Antifrod (“fraud” ingiliscədən dələduzluk, fırıldaqçılıq kimi tərcümə edilir) – onlayn ödənişlər və distant bank xidmətləri zamanı dələduzluq hallarının aşkar edilməsi (tanınması)sistemidir.
Fırıldaqçılığa qarşı mübarizə
Siyasətinə uyğun olaraq Tickets.az qəbul edilən pul vəsaitlərinin hərəkətinə nəzarət edir və istənilən maliyyə fırıldaqlarının qarşısını almağa çalışır. Lakin biz ödəniş sistemlərinin işinə təsir göstərə bilmirik, sizin etdiyiniz əməliyyatlar şübhəli kimi qiymətləndirilə bilər.
Əməliyyatların Antifrod-filtrlər tərəfindən şübhəli kimi qiymətləndiriməsinin əsas səbəbləri:
- Onlayn ödəniş, istifadəçinin bank kartının buraxıldığı ölkədə deyil , başqa ölkədə həyata keçirilir.
- Ödəniş kartı antifrod-sistemin "qara siyahısında"-dır.
- Ödəniş kartı bu cür kartlar üzrə ən çox cinayətlərin qeyd olunduğu ölkələrin birində buraxılmışdır. Bir qayda olaraq, bu Asiya, Afrika, Latın Amerikasının bəzi ölkələridir.
Bundan başqa, bir sıra digər səbəblərə görə də kart ödənişə qəbul edilməyə bilər. Bu barədə daha ətraflı məlumatı bu məqalədə ala bilərsiniz: Hansı səbəblərə görə bank kartı ödənış üçün qəbul edilməyə bilər.
Antifrod sistemləri şübhəli hallar zamanı necə reaksiya verir:
- Kart haqqında məlumatlar daxil edildikdən sonra kart avtomatik olaraq bloka düşür;
- Ödəniş sistemi səbəbi izah etmədən ödəniş cəhdi funksiyasını bağlayır;
- Ödəmə sistemi kart ödəyicisinə e-mail göndərir və xahiş edir ki, kartın həqiqi sahibi olduğunu sənədlərlə sübut etsin;
- Ödəniş sistemi ödəyicinin həqiqətən bank kartının sahibi olduğuna əmin olmaqdan ötrü ona bəzi onlayn-yoxlamalardan keçməyi təklif edir.
Bank kartının həqiqi sahibi olduğunuzun sənədlə təsdiqlənməsi
Əgər kartınız haqqındakı məlumatlar antifrod-sistemində hər hansısa bir şübhə doğurubsa, bu zaman siz kartın həqiqi sahibi olduğunuzu sənədlərlə təsdiq etmək haqqında aşağıdakı xahiş e-mailini alacaqsınız:
Hörmətli Müştəri!
Uğurla bilet almaq üçün, xahiş edirik ki, bu bank kartından istifadənin qanuniliyini təsdiq edəsiniz.
Bunun üçün kartın həqiqi sahibi olduğunuzu təsdiq edən sənədləri etdiyiniz bronun etibarlı olduğu müddət ərzində [email protected] e-mail ünvanına göndərməyinizi xahiş edirik.
Ödənişin uğurla təsdiq olunması üçün lazım olan sənədlər bunlardır:
-
kartın sahibinin pasportunun birinci səhifəsinin surəti;
-
ödəniş etdiyiniz plastik kartın üz tərəfinin surəti.
Siz kartın nömrəsinin son 4 rəqəmi istisna olmaqla digər rəqəmlərini gizlədə bilərsiniz. Həmin son 4 rəqəm aydın görünməlidir.
Texniki mütəxəssislər alınan sənədləri və məlumatları biletin alınması və sonrakı rəsmiləşmə prosesləri üçün təhlil edəcəklər.
Yuxarıda göstərilən bütün məlumatlara baxıldıqdan sonra onlar dərhal silinir.
Verdiyimiz narahatçılığa görə üzr istəyirik.
Ödəniş sistemi ödənişə dair müsbət qərar qəbul etdikdə sizin ödəniş əməliyyatınız uğurla başa çatdırılacaqdır və e-mail ünvanınıza elektron bilet nömrəsinin qeyd edildiyi marşrut qəbzi göndəriləcəkdir.
Əgər ödəniş sistemi göndərdiyiniz dəlilləri rədd edəcəksə və ya siz bronunuzun keçərli olduğu müddət ərzində təsdiqedici sənədləri göndərməyəcəksinizsə, bu zaman e-mail ünvanınıza etdiyiniz bronun ləğv edilməsi və biletlərin sərbəst satışa çıxarılması barədə bildiriş məktubu alacaqsınız. Belə olduqda, təkrar bron yaratmağınızı və onun pulunu başqa mövcud üsullarla və ya digər bank kartınızla ödəməyinizi məsləhət görürük.
Ödəniş kartı üzrə sahibliyin onlayn yoxlanılması
Bəzi hallarda, sifarişin ödənişi cəhdindən sonra aşağıdakı xəbərdarlıq ilə rastlaşa bilərsiniz:
Diqqət! Kartınız bizim antifrod-sistemimizdən keçmədi.
Biz əmin olmalıyıq ki, Siz həqiqətən də göstərilən kartın sahibisiniz.
Kartın həqiqi sahibi olduğunuzu təsdiq etməniz üçün Sizə 2 üsul təklif olunacaq.
Onlardan yalnız birini icra etmək kifayətdir.
Üsul 1
Təhlükəsizlik məqsədi ilə Biz kartınızdan 0,7-1,2 USD diapazonu arasında olan təsadüfi bir məbləği blok edəcəyik.
Çıxan siyahıdan blok edəcəyimiz məbləğin valyutasını seçin və "Blok et" düyməsini basın.
Kartınızda blok olunan məbləğin miqdarını aydınlaşdırın.
Blok edilən məbləğin miqdarını öyrənə bilərsiniz:
- İnternet bankinqdə - müvafiq əməliyyatın çıxarışında.
- Bankdan gələn SMS ilə, əgər kartınız üçün həyata keçirilən əməliyyatlar haqqında SMS-xəbərdarlıq funksiyası aktivdirsə.
- Bankın texniki dəstək xidmətindən (telefon nömrəsi bankın əks tərəfində göstərilib).
Blok edilən məbləğin miqdarını müvafiq sahəyə qeyd edin və "Təsdiq et" düyməsinə basın.Sizin daxil etdiyiniz məbləğlə blok edilən məbləğ üst-üstə düşərsə kartın yoxlanışı uğurla başa çatacaqdır - sifarişin ödənişi qəbul ediləcəkdir.
Əks halda, ödəniş qəbul edilməyəcək, etdiyiniz bron isə ləğv olunacaq. Blok edilən məbləğ də blokdan çıxarılacaq.
Üsül 2
Avtorizasiya kodunu müvafiq sahəyə daxil edin.
"Təsdiq et" düyməsini basın.
Əgər kod düzgün daxil edilibsə aviabiletin ödənişi uğurla həyata keçiriləcəkdir, əks halda etdiyiniz bron ləğv olunacaq.
Avtorizasiya kodunu öyrənə bilərsiniz:
- İnternet bankinqdə - müvafiq əməliyyat üzrə çıxarışda.
- Bankın texniki dəstək xidmətindən (telefon nömrəsi kartın əks tərəfində göstərilib)
Bu məqalə sizə faydalı oldumu?
Əgər sualınıza cavab tapmadınızsa, zəhmət olmasa, Müştəri xidmətlərimizə müraciət edin