ÇOX PİS
PİS
ORTA
YAXŞI
ÇOX YAXŞI

Reytinqin həmmüəllifi olun!

Biz təminat veririk ki, Tickets.az tərəfindən aviaşirkətlərə verilən reytinqlər 100% müstəqil və obyektivdir. Bizim yeganə informasiya mənbəyimiz — Tickets.az saytından həqiqətən bilet almış sərnişinlərin qoyduqları qiymətlərdir. Bizim reytinqlər həmişə aktualdır: biz məlumatları gerçək zaman rejimində yeniləyirik və sistemə gələn hər yeni qiyməti nəzərə alırıq.

Reytinqin məqsədi — Tickets.az saytında aviabiletlərin bron edilməsi zamanı müştərilərimizin doğru və şüurlu şəkildə seçim etmələrinə köməklik etməkdir.

Reytinqdə iştirak etmə

Tickets.az saytı vasitəsi ilə aviabilet əldə edən və uçuş edən hər bir sərnişin aviaşirkətlərin reytinqlərinin formalaşmasına qoşula bilər.
Avia uçuş başa çatdıqdan sonra , artıq növbəti gün ərzində aviaşirkəti qiymətləndirə bilər və onun xidmətlərinin keyfiyyətini haqqında rəy yaza bilərsiniz.
Sərnişin ancaq avia uçuş xidmətindən istifadə etdiyi aviaşirkət haqqında rəy bildirmə və ya onun xidmətlərinin keyfiyyətini qiymətləndirmə imkanına malikdir. Əgər uçuşların həyata keçirilməsi üçün iki və ya daha çox aviaşirkət xidmət göstəribsə, bu zaman sistem hər bir uçuş seqmentini ayrılıqda qiymətləndirməyə imkan verir.
Tickets.az saytında Aviaşirkətlərin reytinqi səyahət etmiş sərnişinlər tərəfindən digər sərnişinlər üçün tərtib edilir və bu reytinqlərin vəzifəsi bizim sizinlə olan səyahəti maksimal dərəcədə rahat etməkdən ibarətdir. Ona görə də, xahiş edirik ki, qiymətləndirmədə obyektiv olmağa çalışasınız və istənilən təsadüfi qiyməti qoymayasınız. Axı sizin uçuş təcrübəniz bizim hamımız üçün unikal və qiymətlidir!
Sərnişin eyni aviaşirkəti onun vasitəsi ilə neçə dəfə uçuş həyata keçiribsə bir o qədər də qiymətləndirə bilər. Bu zaman, sərnişin hər uçuş zamanı ona göstərilən xidmət dərəcəsinə uyğun olaraq qiymət qoymalıdır.
Səsvermədən öncə sərnişin Tickets.az saytında öz bron nömrəsini daxil etməlidir. Bu zaman reytinqi formalaşdıran sistem daxil edilən bron nömrə üzrə uçan sərnişinlərin sayını hesaba almır və beləliklə, uçuşu yalnız bir dəfə qiymətləndirmək olur.
Səsvermənin nəticələrinin sistemin yaddaşında saxlanılması üçün uçuşun bütün tələb olunan parametrləri daxil edilməli və qiymətləndirilməlidir. Uçuşun elə də zəruri olmayan (ikinci dərəcəli) göstəricilərinin sistemə daxil edilməsi istəyə bağlıdır və sərnişinin arzusuna görə həyata keçirilə bilər.
Zəhmət olmasa, sistemdəki "çox pis" və ya "çox yaxşı" kimi göstəricilərdən ifrat dərəcədə sui-istifadə etməyəsiniz. Mümkün olan hər yerdə çalışın ki, şkaladakı aralıq qiymətlərdən istifadə edəsiniz: belə olduqda biz daha obyektiv reytinq formalaşdıra bilərik.
Qiymətləndirmə zamanı diqqətli olun, çünki, səsvermənin nəticələri serverin yaddaşına yazıldıqdan sonra siz artıq onları dəyişdirə bilməzsiniz.
Aviaşirkət ümumi reytinqdə yalnız 1700 və daha çox sərnişinin onun üçün 200 və daha artıq xidmət parametrlərini qiymətləndirməsindən sonra yer tuta bilər.
Tickets.az saytında biletini ala biləcəyiniz İstənilən aviaşirkətin reytinqi və onun haqqında rəylərlə tanış olmaq üçün , reytinqdə iştirak edən aviaşirkətlərin ümumi siyahısının üstündə yerləşən axtarış hissəsinə aviaşirkətin adını və ya onun İATA kodunu daxil edin.

Siz aviaşirkətə qiymət verdiniz, qiymətləndirmənizin nəticəsini sistemin yaddaşında saxladınız, lakin həmin aviaşirkəti reytinq siyahısında tapa bilmirsiniz? Narahat olmayın: sizin qiymətləndirməniz bizim sistemə qeyd edilmiş və saxlanılmışdır. Sadəcə olaraq bu o deməkdir ki, qiymətləndirdiyiniz aviaşirkət hələ lazım olan səsi toplamamışdır. O, lazımi səs sayını toplayan kimi, bizim müstəqil reytinqimizdə öz yerini tutacaqdır.

Qiymətləndirmə sistemini qurarkən biz ona, aviaşirkətin xidmət keyfiyyətini hərtərəfli şəkildə qiymətləndirmə imkanı yaradan parametrləri daxil etməyə çalışmışıq: reysə qeydiyyat xidmətinin rahatlığı və onun sürəti, uçuş zamanı təyyarədəki şərait, göstərilən xidmətlər toplusu, təyyarəyə minik və təyyarənin boşaldılması təşkilinin səviyyəsi, heyətin peşəkarlığı və nəzakətliliyi, uşaqlarla səyahətin rahatlığı, yükün qorunmasına nəzarət və s.

Qiymətləndirmə sistemində bu və ya digər parametrlərin çatışmadığını hesab edirsiniz? O zaman bizə — [email protected] ünvanına öz fikirlərinizi yazın. Xahiş edirik ki, məktubun mövzusunda "Aviaşirkətlərin reytinqi" başlığını qeyd edəsiniz.

Məlumatların məxfiliyi

Tickets.az şirkəti aviaşirkətlərin müstəqil reytinqinin formalaşmasında iştirak edən sərnişinlərin məxfiliyini bütünlüklə təmin edir.
Sərnişinlər tərəfindən aviaşirkətin xidmətinə verilən qiymətləndirmə nəticələrinin saxlanılması zamanı, sistem qiymətləndirməni və yazılan rəyləri sərnişinin fərdi profili, bron nömrəsi, sessiya göstəricisi və ya IP-adreslə əlaqələndirmir.

Hüquq sahibi haqqında məlumat

Aviaşirkətlərin Müstəqil reytinqi sisteminin bütün tərkib hissələri üzrə müəlliflik hüququ ©Tickets.az şirkətinə məxsusdur. Bu reytinqin statistik məlumatlarının və istənilən digər komponentlərinin digər şəxslər tərəfindən tam və ya qismən köçürülməsi və/və ya istifadə edilməsi yalnız müəllif hüququna malik şəxsin icazəsindən sonra mümkündür.

Reytinqin qurulması prinsipi

Bütün iştirakçı aviaşirkətlər reytinqinin ümumi siyahısında aldıqları qiymətlərə (göstəricilərə) uyğun olaraq sıralanırlar.

Aviaşirkətin ümumi qiymətləndirilməsi sərnişinlər tərəfindən həmin aviaşirkətə verilən bütün qiymətlər əsasında formalaşır. Xidmətin dərindən və hərtərəfli şəkildə qiymətləndirilməsini təmin etmək üçün sərnişinlərə xidmət qiymətləndirilməsini bir çox parametrlər (göstəricilər) üzrə aparmaq təklif olunur. Təklif etdiyimiz göstəricilər siyahısı sərnişinin aviaşirkəti seçməsi zamanı ona yol göstərəcək bütün əsas meyarları tam əhatə edir. Sistemdə iki qrup göstəricilər mövcuddur: əsas (qiymətləndirilməsi vacib olanlar) və ikinci dərəcəli (qiymətləndirilməsi vacib olmayanlar).

Reytinqin reprezentativliyini təmin etmək üçün, siyahıda yalnız 1700-dən artıq sərnişin tərəfindən 200 və daha çox parametrlər üzrə qiymətləndirilən aviaşirkətlər göstərilə bilər.

Aviaşirkət üçün yekun göstəricinin hesablanması düsturu

R = (V/(V+M)) х R + (M/(V+M)) х C

R — reytinqin yekun göstəricisi (indeksi)
V — meyarlar (göstəricilər) üzrə qiymətləndirmə sayı
M — reytinqdə əks olunmaq (reytinqə daxil olmaq) üçün lazım olan minimal səs sayı
R — aviaşirkətin göstərici üzrə orta hesabla topladığı səs sayı
С – Bütün iştirakçı aviaşirkətlərin reytinqlərinin ortalama qiyməti

Təcrübəli səyyahlar yaxşı bilirlər ki, aviaşirkətlərin uçuş cədvəlindəki qrafikə dəqiqliklə riayət etməsi nə dərəcədə vacibdir. Uçuş seqmentlərindən birində baş verən pozğunluq və dəyişiklik planlaşdırılan səfəri xeyli çətinləşdirə bilər , hətta tamam məhv edə bilər.

Məhz buna görə də mütəmadi olaraq biz, həm ümumilikdə bütün aviaşirkətlər üçün, həm də hər bir ayrıca reys üçün uçuşların həyata keçirilməsi qrafikinin dəqiqliyini yoxlayırıq.

Aviaşirkətin dəqiqlik dərəcəsini və seçilmiş reysin ortalama gecikmə müddətini necə yoxlamaq olar?

"Aviaşirkətlərin reytinqi" bölməsində olan siyahıdan sizi maraqlandıran aviaşirkəti seçin və ya TOP aviaşirkətlər siyahısı üzərində yerləşən axtarış bölməsindən istifadə edin.
Aviaşirkətin açılan səhifəsindəki "Dəqiqlik" altbölümünə keçin.
Bu səhifədə siz seçdiyiniz aviaşirkətin bütün reysləri üçün nəzərdə tutulan gecikmələrin ümumi statistikasını əks etdirən cədvəli görəcəksiniz.
Konkret bir reys üzrə gecikmə müddətinə baxmaq üçün həmin reysin nömrəsini əsas cədvəlin yuxarı hissəsində yerləşən axtarış hissəsinə yazın və ya aşağıda olan ümumi siyahıdan lazım olan reysi seçin.

Bizim tərtib etdiyimiz gecikmə cədvəllərində aşağıdakı göstəricilər əks edilib:

Ən azı 15 dəqiqə olan gecikmələr;
15-29 dəqiqəlik gecikmələr;
30-44 dəqiqəlik gecikmələr;
45 dəqiqədən çox olan gecikmələr;
reysin ləğvi.

Əks etdrdiyimiz statistik məlumatların yenilnməsi ayda 2 dəfə – hər ayın 5-i və 20-si tarixlərində aparılır.

Saytımızdakı gecikmələri əks etdirən cədvəllərdə axırıncı iki təqvim ayına aid məlumatlar göstərilir.

Məlumatların toplanılması beynəlxalq səyahət agentliyi olan Flightstats Inc. tərəfindən həyata keçirilir.