Reysə qeydiyyat və təyyarəyə minmə

Bir qayda olaraq, qeydiyyat uçuşa 2-4 saat qalmış və qrafik üzrə uçuşa 40-60 dəqiqə qalmış başa çatır. Ayrı - ayrı ölkələrdə və bəzi aviaşirkətlərdə nəzarətdən keçmə prosedurasına əlavələr ola bilər ki, bu da qeydiyyat prosesinin müddətinə təsir edir.  Hava limanına gəliş vaxtınızı planlaşdıran zaman bunu da nəzərə alın. Aviabiletdə həmişə uçuşun və enişin yerli vaxtı göstərilir.

Qeydiyyata gecikən sərnişin uçuşa buraxılmır.

Biletinizi təqdim etdikdən sonra aviaşirkətin əməkdaşı yükünüzü rəsmiləşdirir və təyyarə salonundakı yerinizin qeyd edildiyi minik talonu sizə təqdim edilir.

Bundan sonra isə edilən elanları diqqətlə izləmək lazımdır: reysə miniyin başlanması haqqında elan əlavə olaraq veriləcəkdir. Bundan sonra siz minik talonunuzda nömrəsi qeyd edilən buraxılış qapısına (gate) yaxınlaşmalısınız.