Geri qaytarılma

Biletlərin geri qaytarılmasının müvafiq qaydaları:
  1. Ərizə formasını doldurmaq.
  2. Lazımi sənədləri yükləmək.
  3. «SORĞUNU GÖNDƏR» düyməsinə basın.
  4. Təsdiq cavabını aldıqdan sonra geri qaytarılma üzrə olan  şərtlər ilə razı olduğunuzu təsdiqləmək*.
*Əgər geri qaytarılma xidmət haqqı ödənmədən mümkündürsə və tarif qaydaları müştəriyə biletin tam haqqını qaytarmağa icazə verirsə (ödəniş sistemlərinin əlavə tutduğu haqqlar istisna olmaqla), bu zaman, geri qaytarılma üçün rmüştərinin təsdiqi tələb olunmur. Geri qaytarılma üzrə sorğu dərhal qəbul olunacaq.

Diqqət! Əgər aviaşirkət tərəfindən yenidən bilet yazılıbsa — bu halda ərizə formasına aşağıdakı məlumatlar göstərilən sənədləri əlavə etmək lazımdır: 
  1. Yeni biletin nömrəsi.
  2. Cari aviabiletin rəsmiləşdirilməsi tarixi.
  3. Ödənilən cərimə məbləği, tarif üzrə əlavə ödəniş, ayrı – ayrılıqda ödənilən hər əlavə rüsum məbləği (əgər varsa).
Bu sənədlər təqdim olunmadan biletin qaytarılması ərizəsi qəbul edilmir!

Geri qaytarılma üzrə  sorğunuza 72 saat ərzində baxılacaqdır. Cavab alıcının elektron poçt ünvanına göndəriləcəkdir.

Xüsusi diqqət yetirin ki, biletin ləğv edilməsi yalnız sizin biletin qaytarılması şərtlərinə və xidmət haqqının ödənilməsinə (əgər biletin geri qaytarılması zamanı nəzərdə tutulubsa) razılığınızı verdikdən sonra həyata keçiriləcəkdir. Bu vaxta qədər biletlər dəyişilməz olaraq qalır!

Diqqət yetirin ki, bəzi hallarda biletin geri qaytarılması üzrə sorğu yaradarkən sizə “Dəqiq uçuş etməyəcəm” opsiyasını seçmək imkanı verilir.
Bu opsiyanı seçərək sifarişinizi ləğv etmək üçün bizə razılıq vermiş hesab edilirsiniz: sizin üçün bron edilən yerlər ləğv ediləcək və siz uçuş edə bilməyəcəksiniz. Sorğunuza baxdıqdan sonra bilet pulunun geri qaytarılmasının ətraflı şərtləri və ya sifarişinizə dəyişikliyin edilməsi ehtimalı barədə sizə məlumat verəcəyik.
Əgər "Ola bilsin ki uçuş etməyəcəm" opsiyasını seçsəniz, sifarişinizin ləğv edilməsi yalnız geri qaytarma şərtləri/məbləğ təsdiqlədikdən sonra həyata keçiriləcəkdir.

İstisnalar: Əgər biletin geri qaytarılmasının səbəb reysinin ləğv edilməsi/3 saatdan artıq gecikməsidirsə; sərnişinin və ya onun yaxın qohumunun xəstəliyi/ölümüdürsə; vizanın verilməsində imtina edilmişdirsə, bu zaman,  əgər biletin geri qaytarılması üçün ərizə düzgün doldurulub və ərizəyə lazım olan bütün təsdiqedici sənədlər əlavə edilibsə, biletin ləğvi ərizəyə baxılan kimi həyata keçirilir.

Biletin geri qaytarılması zamanı bütün aktiv (istifadə olunmamış) uçuş seqmentləri ləğv edilir. Əgər yalnız əks istiqamətdə uçuşu ləğv etmək lazımdırsa, biletin geri qaytarılması üçün ərizəni "Oraya" uçuşu (gediş uçuşu) həyata keçirildikdən dərhal sonra vermək tövsiyə olunur.

Diqqət! Geri qaytarılacaq məbləğ sərnişinin geri qaytarma ərizəsini təqdim etdiyi günə olan məzənnə ilə hesablanır.

Tickets.az – ın oferta Müqaviləsininin qaydalarına uyğun olaraq, "MƏNİM BİLETİM" bölməsindən həyata keçirilən istənilən hərəkətlər, şəxsən alıcı tərəfindən edilmiş hesab edilir. Verilən məlumatların düzgünlüyünə görə bütün məsuliyyət biletdə dəyişiklik edən şəxsin üzərinə düşür.