Aviaşirkətlərin əksəriyyəti öz təyyarələrində pişik və itlərin daşınmasına icazə verir. Ölçüsündən asılı olaraq heyvan qəfəsi sərnişin salonunda və ya təyyarənin yük bölməsində daşına bilər.
Əgər siz heyvanlarınız ilə səyahət etməyi planlaşdırırsınızsa zəhmət olmasa, bileti bron etdikdən sonra, lakin bilet pulunu hələ ödəməmişdən əvvəl bu barədə Müştəri Xidmətlərinə məlumat verəsiniz.
Hava limanında qeydiyyatdan və gömrük nəzarətindən keçən zaman üzərinizdə tranzit, göndəriş və təyinat ölkəsinin qanunlarının tələb etdiyi bütün lazımi veterinar və digər sənədlər olmalıdır. Tələb olunan sənədlərin siyahısını dəqiqləşdirmək üçün müvafiq ölkənin səfirliyinə müraciət etməyinizi tövsiyə edirik.
Sərnişinləri müşaiyət edən və xüsusi qayğıya ehtiyacı olan bələdçilər – itlər ağzı bağlı və zəncirlənmiş şəkildə, heç bir əlavə ödəniş edilmədən təyyarə salonunda aparılır. Bələdçi itin sahibi heyvanın xüsusi hazırlıqdan keçdiyini təsdiq edən sənədə malik olmalıdır.
Əgər sərnişin təyyarə salonunda heyvanın daşınmasını öncədən aviaşirkət ilə razılaşdırmayıbsa, bu zaman şirkət bundan imtina etmək hüququna malikdir.
Bu məqalə sizə faydalı oldumu?
Əgər sualınıza cavab tapmadınızsa, zəhmət olmasa, Müştəri xidmətlərimizə müraciət edin