Tez-tez verilən suallar (FAQ)

Təyyarəyə minik  onun havaya qalxmasından 40 dəqiqə əvvəl başlayır. Əgər sərnişin təyyarəyə minməyə gecikibsə, o, uçuşa buraxılmır.

Hava limanında qeydiyyatdan keçən zaman səsli və yazılı olaraq edilən bütün elanlara diqqətlə fikir verin  ki, öz reysinizə başlayan minik zamanını qaçırmayasınız. Bundan sonra siz minik talonunuzda nömrəsi qeyd edilən buraxılış qapısına (gate) yaxınlaşmalısınız.

Daşınmanı həyata keçirən aviaşirkət  daşınmadan imtina edə bilər:

• Sərnişin Daşıyıcının qaydalarını, təlimatlarını və göstərişlərini  yerinə yetirməkdən imtina edərsə;
• Təhlükəli hesab olunan şəxslərə, əgər onların hərəkəti digər sərnişinlərə və ya onların mülkiyyətinə ziyan vurarsa;
• Alkoqol və ya narkotik sərxoşluq vəziyyətində olan sərnişinlərə;
• Etdiyi hərəkətlər ilə müəyyən edilmiş hava nəqliyyatından istifadə qaydalarını pozan sərnişinlərə.