Əl yükündə daşıyacağınız istənilən mayelər həcmi 100 ml – dən çox olmayaraq qablaşdırılmalıdır. Əl yükündə daşınmasına icazə verilən mayelərin ümumi həcmi 1 litrdən çox olmamalıdır. Bütün mayelər plastik şəffaf qablarda qablaşdırımalı və qabların qapaqları bağlı olmalıdır.
Mayelərə (sulu tərkibli əşyalara) aid edilir:
- Su və başqa içkilər;
- Şorbalar, şərbətlər, yoqurtlar;
- Şokolad pastası və yerfındığı yağı;
- Yumşaq pendirlər (kamamber və s.);
- Köpüklü içkilər və köpük yarada biləcək maddələr;
- Ətriyyat;
- Saç və duş üçün gel də daxil olmaqla digər növ gellər;
- Diş pastası da daxil olmaqla digər növ pastalar;
- Dekorativ kosmetika (dodaq boyası, rənglər, kirpiklər üçün tuş);
- Losyonlar, şampunlar, kremlər, kosmetik yağlar;
- Sprey şəklində olan (içində hava təzyiqi olan) əşyalar (üz qırxmaq üçün köpüklər və digər köpüklər, diyircəkli olan və ya digər növ dezodorantlar, spreylər, aerozollar);
- Maye maddələrlə bərk maddələrin qarışığından ibarət olan əşyalar;
- Bu cür tərkibli digər əşyalar.
Aşağıdakı əşyaları həcmi 100 ml-dən çox olaraq daşımaq olar:
- Sulu uşaq qidaları — əgər uşağ ilə səyahət edirsinizsə;
- Dərman preparatları (üzərinizdə onların vacibliyini təsdiq edən arayış olmalıdır);
- Duty free – dən alınan maye tərkibli əşyalar (içkilər, kosmetika, parfümeriya və s.).
Bu məqalə sizə faydalı oldumu?
Əgər sualınıza cavab tapmadınızsa, zəhmət olmasa, Müştəri xidmətlərimizə müraciət edin