Aviabiletin sərfəli şəkildə bron edilməsinin bir neçə üsulu var. İlk öncə tariflərin necə tərtib olunmasını başa düşmək lazımdır, həmçinin aviabiletin qiymətinə təsir edən amilləri də nəzərə almaq lazımdır.
Biletin qiyməti nədən asılıdır:
1. RüsumlardanBiletin qiymətinə müxtəlif rüsumlar daxildir:
- Hava limanının rüsumu — havalimanı, ölkələrin və ya şəhərlərin hökümət orqanları tərəfindən müəyyən edilir. Alınan rüsum mövcud terminalların qorunub saxlanılmasına və yeni terminalların, uçuş–eniş zolaqlarının tikintisinə, uçuş-enmə zamanı təhlükəsizliyin təmin olunmasına, hava limanından istifadəyə, həmçinin digər xidmətlərə görə alınır.
- Yanacaq pulu — aviaşirkətlərin yanacaq xərclərini ödəyir.
- Xidmət haqqı — bileti aldığınız zaman sizə göstərilən xidmət üçün xəzinə və ya aviabiletlərin satışı ilə məşğul olan agentlik və ya daşıyıcı tərəfindən tutulan komissiya haqqı.
2. Uçuş klassından (kateqoriyasından) Arzu etdiyiniz rahatlıq dərəcəsinə görə ekonom klass, biznes klass və birinci dərəcəli uçuş kateqoriyasını seçmək olar. Kateqoriya nə qədər yüksək olarsa, təyyarə bileti bir o qədər də baha olacaqdır.
3. Tariflərin tətbiqi qaydalarından
Normal (tam) və xüsusi (güzəştli) tariflər mövcuddur:
- Normal tarif heç bir məhdudiyyətə malik deyil və biletin rəsmiləşdirilməsi, bron edilməsi və ödənişi üzrə münasib (dəyişkən) şərtlər təklif edir.
- Xüsusi tarif xidmətin keyfiyyətinə təsir etməyən bir sıra məhdudiyyətlərə malikdir. Bu tarif biletin qüvvədə olma müddətini, qaytarılmasının mümkünlüyünü və ona dəyişikliklərin edilməsini məhdudlaşdırır. Müvafiq olaraq, bu cür bilet ucuz olacaqdır.
4. Həftənin günlərindən
Həyata keçirilməsi şənbə və bazar günü üçün nəzərdə tutulmuş uçuşlara biletlər həftənin digər günlərində olan uçuşlar üçün nəzərdə tutulan biletlərə nisbətən baha olur.
5. MövsümlərdənBiletin qiymətinə hətta ilin fəsilləri bilə təsir edir. Yüksək (güclü) və zəif fəsillər anlayışı mövcuddur.
Bu, müəyyən istiqamətlərdə biletlərin alınması üzrə sorğuların artması və azalması deməkdir. Mövsüm nə qədər yüksək olarsa, təyyarə bileti bir o qədər baha olacaqdır.
6. Valyuta məzənnəsindənBileti aldığınız andakı valyuta məzənnəsi bileti axtardığınız andakı valyuta məznnəsindən fərqli ola bilər ki, bu da uçuş qiymətinə təsir göstərə bilər.
7. RəqabətdənƏgər verilən istiqamət üzrə çoxlu rəqib təkliflər mövcuddursa, bu zaman, aviaşirkətlər uçuş qiymətini azaltmağa məcburdurlar, və ya hər şey əksinə də ola bilər.
Buyurun, pulunuza qənaət etməniz üçün daha bir neçə tövsiyələri nəzərinizə çatdırırıq:
- Təyyarəyə bileti öncədən alın. Aviaşirkət ilkin satışı stimullaşdırmaq
məqsədi ilə ilk növbədə ən ucuz yerləri satışa qoyur. Ona görə də,
bileti nə qədər tez alsanız uçuş bir o qədər sizə ucuz başa gələcəkdir.Bileti almaq prosesini uzatmayın.
- Ucuz biletlər çox sürətlə alınaraq satışdan yox olur. Ona görə də əgər sizin rastınıza "sərfəli - isti" təklif çıxıbsa bileti gecikmədən bron etməyiniz məsləhətdir.
- Adətən çərşənbə axşamı, çərşənbə və cümə axşamı üçün uçuş biletlərinin qiymətləri aşağı olur. Bayram və ya istirahət günlərindəki uçuş üçün biletlər bir qayda olaraq baha olur.
- Yerdəyişmələrlə (tranzit ilə) olan uçuşları seçin. Baxmayaraq ki, birbaşa uçuşlar daha rahatdır, lakin belə biletlərin qiyməti bir qayda olaraq, tranzit ilə olan uçuş biletlətinin qiymətlərindən xeyli baha olur.
- Endirimlərdən istifadə edin: Uşaqlar, tələbələr, müəllimlər, təqaüdçülər, ekskursiya qrupları və s. bu kimi şəxslər üçün güzəştli tariflər mövcuddur.
- Əgər avaşirkətin bonus proqramının iştirakçısısınızsa "Bonus kartı" bəndini işarələyin.
- Ətraflı axtarışdan istifadə edin: təklif edilən uçuş vaxtını seçdikdən sonra "Dəqiq tarix" bəndini "+ / - 3 gün" bəndi ilə dəyişin. Siz təklif olunan variantlar arasında ən yaxşı qiyməti seçə bilərsiniz.
- Uçuş klassını (kateqoriyasını) seçərkən qrafada "İstənilən" variantını qeyd edin. Sistem müxtəlif kateqoriyaları birləşdirə və ən sərfəli variantı təklif edə bilər.
Aviabilet alarkən nələri yadda saxlamaq lazımdır?
Xüsusi (güzəştli) tariflər üzrə bilet alarkən mövcud olan məhdudiyyətləri xatırlamaq lazımdır. Bilet nə qədər ucuz olarsa, tarif şərtləri bir o qədər də daha sərt olacaqdır:
- Məhdud stopover fürsəti (marşrutda 24 saatdan artıq dayanma fasiləsi. İstisnalar: Şimali Amerika ölkələri — burada 4 saatdan artıq dayanma fasiləsi artıq stopover hesab olunur; Mərkəzi Amerika və Panama — burada 6 saatdan artıq dayanma fasiləsi stopover hesab olunur) — adətən onlar qadağan olur və ya onlara görə əlavə pul ödəmək tələb edirlir;
- biletdə dəyişikliklərin edilməsi nəzərdə tutulmayır;
- ucuz aviabiletlərin geri qaytarılması mümkün olmaya bilər və ya geri qaytardığınız zaman ödədiyiniz məbləğin bir hissəsi tutula bilər.
Bu məqalə sizə faydalı oldumu?
Əgər sualınıza cavab tapmadınızsa, zəhmət olmasa, Müştəri xidmətlərimizə müraciət edin