Bileti geri qaytarmaq üzrə sorğunu necə tərtib etmək lazımdır:- «Mənim biletim» — "Aviabiletlər" — "Bron nömrəsi” - "Sifarişin redaktə edilməsi" - "Biletin Geri Qaytarılması" bölməsinə daxil olun.
- Ərizədəki qrafaları doldurun.
- Lazımi sənədləri yükləyin.
- «SORĞUNU GÖNDƏR» düyməsinə basın.
Bilet, yalnız sizinlə və aviaşirkət ilə geri qaytarılma şərtləri razılaşdırıldıqdan, həmçinin, xidmət rüsumu ödəndikdən sonra (əgər geri qaytarma zamanı nəzərə alınıbsa) ləğv ediləcəkdir.
Qeydiyyatdan keçərkən qeyd etdiyiniz e-mail ərzində geri qaytarma şərtləri haqqında məlumat göndəriləcəkdir. Əgər geri qaytarma ancaq xidmət rüsumu ödəndikdən sonra mümkün olacaqsa, bu zaman məktubda qeyd edilən müddətdə rüsumu ödəyin. Ödəniş üçün müəyyən olunan vaxt bitərsə geri qaytarma üzrə yeni sorğu yaratmalı olacaqsınız.
Önəmlidir!Aviaşirkət uçuşa gəlmədiyinizi müəyyən edərsə, hətta müvafiq sənədləriniz olsa belə, pulunuzun geri qaytarılması ilə bağlı sorğunuz rədd edilə bilər. Bu səbəbdən xahiş edirik ki, müraciətinizi mümkün qədər tez təqdim edəsiniz.Əgər hazırda Sizin sənədləri vermək imkanınız yoxdursa, zəhmət olmasa, cədvəldə göstərilmiş uçuş vaxtına ən azı üç saat qalmış qaytarılmaya dair sorğu yaradın. Sorğunun yaradılması zamanı şərhdə göstərin: "Uçuşdan istifadə etməyəcəyəm. Yerləri ləğv etməyi xahiş edirəm. Sənədləri sonra təqdim edəcəyəm".
Biletin geri qaytarılması üçün sizə əlavə sənədlər lazım ola bilər:
- Reysin 3 saatdan artıq ləngiməsi və yaxud ləğv olunması zamanı biletin geri qaytarılması üçün ərizə ilə birlikdə reysin gecikməsini / ləğv olunmasını təsdiq edən rəsmi sənədlər də göndərilir. Həmin rəsmi sənədləri hava limanında aviaşirkətin nümayəndəsindən ala bilərsiniz.
- Sərnişinə vizanın verilməməsi zamanı biletin geri qaytarılması üçün ərizə ilə birlikdə göndərilir: səfirliyin rəsmi blankında vizanın verilməməsinə dair təsdiq məktubu, pasportun ilk səhifəsinin surəti, pasportun viza verməkdən imtinaya görə ştamp vurulan səhifəsinin surəti. Vizanın verilməməsinə görə tam geri qaytarılma üzrə sorğunu birinci marşrut seqmenti üzrə olan uçuşa 72 saat qalmış müddətdən gec olmayaraq göndərmək olar.
- Sərnişinin və ya onunla uçuş etməli olan qohumunun xəstəliyi / ölümü zamanı - biletin geri qaytarılması üçün ərizə ilə birlikdə xəstəliyi / ölümü təsdiq edən müvafiq sənədlər, xəstələnən / ölən şəxslə sərnişinin qohumluq dərəcəsini təsdiq edən sənədlər də göndərilir: birinci marşrut seqmenti üzrə olan uçuşa 72 saat qalmış müddətdən gec olmayaraq.
- Sərinişinin reysə gecikməsi və ya gəlməməsi zamanı ( əgər reysin göndərilməsinə kimi yerlər sərnişinin xahişi ilə aviaşirkət və ya Tickets.az agenti tərəfindən alınmamışdırsa ) biletin geri qaytarılması səbəbində mütləq sərnişinin reysə gecikməsi və ya gəlməməsi faktı qeyd edilməlidir.
Diqqət edin ki, aviaşirkət ilə razılaşdırılması zəruri olan geri qaytarılmaların həyata keçirilməsi və vəsaitlərin geri qaytarılması prosesi 3 aya qədər davam edə bilər. Xüsusi olaraq diqqət yetirin ki, biletinizin ləğv olunması ancaq sizin geri qaytarılma şərtləri və xidmət rüsumunun ödənilməsi (əgər geri qaytarılma zamanı nəzərdə).
Biletin geri qaytarılması üzrə sorğunu bileti aldığınız gün göndərsəniz ödədiyiniz pul vəsaitləri heç bir aviaşirkət cəriməsi çıxılmadan tam şəkildə sizə geri qaytarılacaqdır. Ödədiyiniz pul vəsaitləri göstərilən məbləğ sizin tərəfinizdən təsdiq olunduqdan sonra və aviaşirkətin qərarına müvafiq olaraq Sizə geri qaytarılacaqdır.
Əgər aviaşirkət cərimə sanksiyaları tətbiq edilmədən pulun geri qaytarılmasını təsdiq etməzsə, Siz, tarif qaydalarına əsasən geri qaytarılma üzrə sorğu yarada bilərsiniz.
Ödənişin geri qaytarılması üzrə xidmət haqqı və etdiyiniz əlavə ödənişlər geri qaytarılmır.
Geri qaytarılan məbləğ sərnişinin geri qaytarılma üzrə ərizəni yaratdığı gündəki məzənnə kursu ilə hesablanır. Sərnişinin səyahətdən məcburi imtinasını təsdiq edən sənədlər: - Tibb müəssisələrinin verdiyi orijinal (həqiqi) arayışlar;
- Hava limanının tibb məntəqəsi tərəfindən verilən orijinal (həqiqi) arayışlar;
- Xəstəliyə dair sənədin (bülletenin) surəti.
Sərnişinin səyahətdən məcburi imtinasına əsas olan tibbi sənədlərə tələblərTibb müəssisələrinin verdiyi arayışların orijinalına olan tələblər:
- Tibb müəssisələrinin verdiyi arayışların orijinalına olan tələblər:Tibbi sənəddə sənədi verən müəssisənin adının dəqiq və oxunulan şəkildə yazılması.
- Tibbi sənədi verən müəssisənin möhürünün mövcudluğu.
- Sənədi verən şəxsin soyadının və vəzifəsinin dəqiq və oxunulan şəkildə yazılması.
- Sənədi verən şəxsin möhürünün və imzasının olması.
- Müəssisənin baş həkiminin və ya şöbə müdirinin imzasının və möhürünün olması.
- Tibbi sənədin verilmə tarixinin göstərilməsi.
- Tibbi sənəddə göstərilən xəstəlik tarixlərinin səyahət tarixləri ilə üst – üstə düşməsi. Əgər tarixlərdə uyğunsuzluq olarsa nəticədə “göstərilən tarixlərdə uçuş məsləhət görülmür” yazısı qeyd edilməlidir.
Hava limanının tibbi məntəqəsindən verilən arayışların orijinalına olan tələblər:
- Tibb sənəddə sənədi verən tibbi məntəqənin adının mövcudluğu.
- Tibbi məntəqənin möhürünün olması.
- Sənədi verən şəxsin soyadının və vəzifəsinin dəqiq və oxunulan şəkildə yazılması.
- Sənədi verən şəxsin möhürünün və imzasının olması.
- Tibbi sənədin verilmə tarixinin göstərilməsi.
- Tibbi sənəddə göstərilən xəstəlik tarixlərinin səyahət tarixləri ilə üst – üstə düşməsi.
Səyahətdən məcburi imtinanın təsdiq edilməsi üçün xəstəlik kağızının surəti aviaşirkətin hava limanındakı səlahiyyətli nümayəndəsinin imzası və möhürü ilə və ya notarial qaydada təsdiq edilməlidir.
Diqqət! Zəhmət olmasa, qeyd edilən sənədlərin surətini ərizəyə əlavə edin. Təsdiqləyici sənədlər olmadan aviaşirkət ərizənizə baxmayacaqdır.
Azərbaycan Respublikasının ərazisində olan sərnişin
Tickets.az şirkətinə müraciət edən zaman ölkəmizdə verilməyən tibbi sənəd təqdim edərsə, onun azərbaycan dilinə edilən tərcüməsi, notarial qaydada təsdiqi olmalıdır.
Azərbaycan Respublikası ərazisindən kənarda olan sərnişinin
Tickets.az şirkətinə müraciəti zamanı təqdim etdiyi tibbi sənədin ingilis və ya azərbaycan dilinə edilən tərcüməsi, sərnişinin olduğu ölkənin qanunvericiliyinə uyğun olaraq notarial qaydada təsdiqi olmalıdır.
Diqqət yetirin ki, geri qaytarma üzrə göndərdiyiniz sorğuya baxılması üçün zəruri olan sənədlərə tələblər daşıyıcı tərəfindən təyin olunur, agentlik sadəcə daşıyıcı ilə sərnişin arasında vasitəçidir. Buna görə də, daşıyıcının qəbul etdiyi bütün sorğular Müştəri Xidmətləri tərəfindən sizə bildiriləcəkdir.
Aviabiletlərin geri qaytarılması üçün sərnişin tərəfindən yanlış və ya saxta sənədlərin təqdim edilməsi faktı aşkar edildikdə qanunvericiliyə uyğun olaraq məsələyə baxılması və günahkar şəxslərin məsuliyyətə cəlb olunması üçün Azərbaycan Respublikasının hüquq – mühafizə orqanlarına müraciət ediləcəkdir.
Bu məqalə sizə faydalı oldumu?
Əgər sualınıza cavab tapmadınızsa, zəhmət olmasa, Müştəri xidmətlərimizə müraciət edin