Tickets.az-da onlayn-qeydiyyat xidməti ilə vaxtınıza qənaət edin! Bu xidmət sayəsində hava limanında qeydiyyatdan keçmək üçün növbədə dayanmaq lazım deyil.
Onlayn qeydiyyat (online check-in) – bu, reysə internet vasitəsi ilə qeydiyyatdan keçmək imkanıdır (bəzi sərnişin kateqoriyaları istisna olmaqla). Bir qayda olaraq, onlayn qeydiyyatdan keçmək uçuşa 24 saat qalmışa kimi (yəni, uçuşdan 24 saat öncəsinə kimi) mümkündür.
Tickets.az saytında reysiniz üçün onlayn qeydiyyat xidməti də sifariş edə bilərsiniz. Biz mövcud olan ən yaxşı yerləri seçərək sizi reys üçün qeydiyyatdan keçiririk və talonları elektron poçt ünvanınıza göndəririk. Onları çap edin və dərhal uçuş öncəsi yoxlamadan (aviasiya təhlükəsizliyi, sərhəd və gömrük nəzarəti) keçin. Əgər yükünüz varsa (əl yükündən başqa) onu bilavasitə hava limanında qeydiyyatdan keçirmək lazımdır.
Diqqət edin! Bəzi hallarda minik talonu hava limanında təqdim edilir. Əgər uğurlu onlayn qeydiyyat haqqında göndərdiyimiz məktuba minik talonu əlavə edilməyibsə, qeydiyyat şöbəsinə yaxınlaşmanız zəruridir. Onlayn qeydiyyat zamanı seçilən yerlər qüvvədə qalır.
Siz aviabiletlərin bron edilməsi mərhələsində onlayn qeydiyyat xidmətini sifariş edə bilərsiniz. Həmçinin, bunu daha sonra şəxsi kabinetinizdəki “Mənim biletim” vasitəsilə və ya Müştəri Xidmətlərinə zəng etməklə də edə bilərsiniz. əgər onlayn-qeydiyyat mümkün deyilsə, bu barədə müvafiq məlumat Sizin e-mail ünvanınıza göndəriləcəkdir, xidmət üçün ödədiyiniz vəsaitlər isə 10 iş günü ərzində geri qaytarılacaqdır. Belə olduqda, siz, mütləq hava limanında qeydiyyatdan keçməli olacaqsınız.
Bu məqalə sizə faydalı oldumu?
Əgər sualınıza cavab tapmadınızsa, zəhmət olmasa, Müştəri xidmətlərimizə müraciət edin