Siz öz sifariş statusunuzu
"Mənim biletim" bölməsində izləyə bilərsiniz. Sizin bron statusunuz aşağıdakı kimi ola bilər.
Rezerv edilmişdir.
Bronun ödənişinin agentliyə edilməsi gözlənilir — sizin bron müvəffəqiyyətlə yaradıldı. Ödəniş gözlənilir.
Rezerv edilmişdir. Bronun ödənişinin aviaşirkətə edilməsi gözlənilir — sizin bron müvəffəqiyyətlə yaradıldı. Ödəniş gözlənilir. Bu zaman ödəniş üçün pulun çıxılmasının təşəbbüskarı aviaşirkətdir. Aviaşirkət ödəniş üçün pulun çıxılmasını təsdiqləyən kimi sizin aviabiletlər yazılacaqdır: bir qayda olaraq, sifarişin yaradıldığı andan etibarən 3 saat ərzində. Bilet yazılan anda aviaşirkət sizin kartınızda biletin məbləğini blok edir. Biletlərin pulunun kartınızdan çıxılması prosesi bir qayda olaraq məbləğin blok edilməsi anından başlayaraq 30 gün ərzində (ayrıca olaraq hər bir bilet üçün) həyata keçirilir.
Biletin yazılması gözlənilir — Sizin sifarişinizin ödənişi uğurlu şəkildə həyata keçirilib. Biletin gözlənilən yazılma müddəti – pulun agentliyin hesabına köçürülməsi və ya aviaşirkətin avtorizasiyası anından başlayaraq 3 saat öncə.
Ödəniş təsdiq olunma mərhələsindədir — ödəniş kartınızdan istifadə etmə hüququnuz yoxlanılır (antifrod-yoxlanışı).
Kartınız üzrə antifrod – yoxlanış nəyə görə tələb oluna bilər?
Ödəniş edilib və bilet yazılıb — ödəniş edilmiş, elektron bilet yazılmış və marşrut qəbzi electron bilet haqqında məlumatla birlikdə bron yaradan zaman qeyd etdiyiniz elektron ünvanınıza göndərilmişdir. Sizə uğurlu səyahət arzu edirik!
Bron ləğv edilib — sizin bron etdiyiniz aviabilet ləğv edilmişdir. Ödəniş üçün təyin olunan gözləmə müddəti bitmişdir (bir qayda olaraq, bron edildiyi andan başlayaraq 12 saata qədər olan müddət).
Bron agentlik tərəfindən ləğv edilib — sizin tərəfinizdən bron edilən bilet agentlik tərəfindən ləğv edilmişdir. Ləğv etmə səbəblərinin əks olunduğu məktub sizin elektron ünvanınıza göndəriləcəkdir.
Bron istifadəçi tərəfindən ləğv edilib — siz özünüz bron etdiyiniz aviabileti ləğv etmisiniz. Zəhmət olmasa, diqqət edin ki, ləğv edilən bronu bərpa etmək mümkün deyil. Lakin, Siz yeni sifariş yarada bilərsiniz.
Bron ləğv edildikdən sonra ödənilib — sizin sifarişiniz ləğv edilmişdir. Sistem, bronun etibarlılıq müddəti bitdikdən sonra biletlərin pulunun ödənildiyini qeydə alıb. Bizim Müştəri Xidmətlərimizə müraciət etməyinizi tövsiyə edirik.
Bilet qaytarılma prosesindədir — sizin tərəfinizdən aviabiletin geri qaytarılması üzrə sorğu göndərilib və hal-hazırda sorğunuza baxılır. Təxmini sorğuya baxılma müddəti – sorğu alınan andan etibarən 72 saatdır. Pulun geri qaytarılması müddəti ödəmə üsulundan asılıdır.
Ödənilən pul geri qaytarılıb — biletin geri qaytarılması üzrə göndərdiyiniz sorğuya baxılıb, sifarişiniz ləğv edilib, ödənilən məbləğ isə ödənişin edildiyi üsulla ödənişi edən şəxsə geri qaytarılıb.
Ödəniş təsdiq edilməyib — sifarişiniz üzrə etdiyiniz ödəniş təsdiq edilməyib. Mümkün səbəblər:
- hesabınızda kifayət qədər vəsait yoxdur və ya ödəniş məbləğinə məhdudiyyət qoyulub;
- Sizin ödəmə kartınız antifrod yoxlanışı keçməyib;
- texniki səbəblər mövcuddur.
Ətraflı məlumat sizin e-mail ünvanınıza göndərilən məktubda əks olunub.
Agentlik tərəfindən təsdiq olunmağı gözləyir — ödənişiniz yoxlanma prosesindədir.
Geri qaytarılma üçün məlumatın alınması gözlənilir — Pul vəsaitlərinin sizin hesabınıza geri qaytarılması üçün zəruri olan məlumatların sizin tərəfinizdən təqdim olunmasını gözləyirik. Ətraflı məlumat sizin e-mail ünvanınıza göndərilən məktubda əks olunub.
Zəhmət olmasa, diqqət yetirin!Hazırkı məqalədə qeyd edilməyən qeyri-standart vəziyyətlərin yaranması zamanı bizim Müştəri Xidmətləri mütəxəssisləri sizinlə əlaqə yaradacaqlar.
Sifarişinizin aktual statusunu görmək üçün brauzer səhifəsini yeniləyin və/ və ya e-mail ünvanınızı yoxlayın.
Bu məqalə sizə faydalı oldumu?
Əgər sualınıza cavab tapmadınızsa, zəhmət olmasa, Müştəri xidmətlərimizə müraciət edin