Biletlərinizi bron edərkən Sizə ödənişi Tickets.az saytına və ya birbaşa aviaşirkətə etmək seçimi təklif edilə bilər. Bu təklif bütün reyslər üçün mövcud deyil və aviaşirkətdən asılıdır.
Sayta edilən ödənişlə birbaşa aviaşirkətə edilən ödəniş arasında əsas fərq pul vəsaitlərinin kartınızdan çıxılması, həmçinin, sifarişiniz ləğv edilərsə pul vəsaitlərinizin geri qaytarılması müddətindən ibarətdir.
Belə ki, Tickets.az saytına ödəniş edərkən pulun (bank kartından asılı olaraq) kartınızdan hansı valyutada çıxılmasını qeyd edərək qənaət edə bilərsiniz və bu zaman, məbləğ elə alış-veriş etdiyiniz gün kartınızdan çıxılacaqdır.
Ödənişi birbaşa aviaşirkətə etdiyiniz zaman, məbləğ kartınızdan saytda göstərilən valyuta ilə yox, fərqli bir valyuta ilə çıxıla bilər və məbləğ kartınızdan 30 gün ərzində çıxılacaqdır. Buna görə də, valyuta məzənnələri arasındakı fərqə görə biletin yekun dəyəri yüksək ola bilər.
Sifarişinizi ləğv etmək istədikdə, əgər ödənişi Tickets.az saytına etmisinizsə, pulunuz, ləğv etmə istəyiniz üzrə göndərdiyiniz sorğuya baxılma anından başlayaraq 10 iş günü ərzində; əgər ödənişi aviaşirkətə etmisinizsə 60 gün ərzində geri qaytarılacaqdır.
Tickets.az saytına edilən ödənişlə birbaşa aviaşirkətə edilən ödəniş arasında mövcud olan fərqlər haqqında ətraflı məlumatı sifarişinizin ödəniş səhifəsində “Fərq nədədir?” düyməsinə basmaqla əldə edə bilərsiniz.
Bu məqalə sizə faydalı oldumu?
Əgər sualınıza cavab tapmadınızsa, zəhmət olmasa, Müştəri xidmətlərimizə müraciət edin